Watch pinoy action movies online. No Video? Use Google Chrome and Microsoft Silverlight.
Si Alex (Ronnie Ricketts) ay isang "palaban" ngunit may ginintuang puso. Siya ang nagsisilbing 'Kuya' ng mga batang yagit, mga kabarkada niya at mga taong nangangailangan ng tulong. Nawalay siya siya sa kanyang ina nang ito'y nagpunta sa Amerika kaya natuto si Alex na mamuhay sa lansangan. Inilalaban siya na parang manok na pansabong at isa rin siyang taxi driver. Pumapayag siyang lumaban upang makalikom siya ng pera sa pagpapakasal niya kay Michelle (Mariz Ricketts). Ngunit sa kanyang pamamasada naka-enkwentro niya si Zandro (Carlos Morales) isang 'hired gun' na nakapatay ng isang Congressman at pinaghahanap na ng pulis. Nabaril din si Alex at sa kanilang muling pagkikita at pagtutuos, isa lang sa kanila ang mabubuhay.
Lagot ka sa Kuya ko ay isang sikat na 'rap song' na ginawan ng kuwento at isina-pelikula. Kaya ito'y parang isang halo-halo na puno ng sahog at kumpleto ang rekado. May labanan, kantahan, sayawan, iyakan, tawanan at kung anu-ano pa. Punong-puno din ito ng mga 'extra' na siguradong nakatulong sa mga artista ngunit tulad ng halo-halong makulay nga ngunit kulang sa gatas—malabnaw, matabang at walang linamnam ang pelikula.
No comments:
Post a Comment