Lisensyadong Kamao Movie 2005

Watch pinoy action movies online. No Video? Use Google Chrome and Microsoft Silverlight.

Magaling sa suntukan ang magbabalot na si Ambrosio Lerio, kilala bilang "Bruce" (Manny Pacquiao), kasintahan ni Fanny (Aubrey Miles). Maganda sana ang kanyang kinabukasan sa larangan ng boxing kundi lamang siya nasuspindi nang mamatay ang kanyang kalaban sa ring, gawa ng matinding tama ng kaniyang kamao. Ngunit hindi maitago ang husay niya rito, na nadiskubre ng mga pulis at mga istambay nang minsang mapaaway siya pagkat pinigil niya ang pagsusuntukan ng mga batang kalye na pinagpupustahan ng mga miyembro ng sindikato. Naging simula na ito ng pagkakakilala sa kanya ng maraming taong mahilig sa boxing, hanggang sa hawakan na siya at ilaban sa championship ng isang kilalang manager (Eddie Garcia). Higit sa lahat, kagustuhan ni Bruce na maipagamot ang may sakit na ina (Daria Ramirez) at ang bulag na kapatid, at maghanda ng magandang kinabukasan para sa kanila ni Fanny.

Hati ang Lisensyadong Kamao pagdating sa mga technical aspects ng pelikula. Maganda ang istorya at ang takbo nito. Mahusay ang pagkakakuha mga eksenang pang-boxing—ang pag-eensayo ng mga boksingero, ang mga pakikipagbabag ng mga istambay at mapang-api kay Bruce, atbp. May katapatan din ang pagarte ng mga tauhan, subalit hanggang doon na lamang. Pagkat mga amateur ang ilang mga artista (tulad ni Pacquiao), lumabas na pilit ang dialogue—halatang-halata na kinabesa lang ang mga linya pagkat bagama't walang mali, kulang naman sa damdamin ang delivery. Pati ang pagkilos minsa'y matigas at self-conscious ang dating.

Basagan Ng Mukha

Watch pinoy action movies online. No Video? Use Google Chrome and Microsoft Silverlight.

Magkababata si Gerry (Ronald Gan Ledesma), isang NBI agent at si Dodong (Manny Pacquiao). Madalas sagipin ni Gerry sa kapahamakan ang kaibigan dahil sa kanyang napakababaw na pananaw sa mga problema niya sa buhay. Minsan, sumali si Dodong sa mga pinupustahan na illegal streetfighting at doon natuklasan niya na may angking husay siya sa boksing. Matapos magtamo ng kaalaman at kasanayan sa boksing at mahasa ang kanyang kakayahan sa ilang ulit na paglaban sa ring, inihanda siya sa isang championship game na pakana ng mga sindikato ng game fixers. Magpapatalo ba si Dodong upang makuha ang inaaasam na malaking pera o ipaglalaban ba niya ang kanyang prinsipyo bilang isang boksingero?

Pagsamahin mo sa pelikula ang isang matinik nablackbelter at isang world boxing champion at siguradong mga umaatikabong eksena ng suntukan at tadyakan ang inyong makikita. Ang tambalang Ledesma at Pacquiao ay angkop na angkop para sa Basagan ng Mukha. Simple lang ang kuwento ng makatotohanang ipinakikita ang mga gawain ng underworld, subalitnagiging nakalilito ito dahil sa masamang editing. Marahi, upang hindi mapagod ang manonood sa mga karahasan sa kuwento, sinamahan ito ng isang mainit na bed scene, isang pamamaraan para maibenta ng prodyuser ang pelikulang ito. Kapuna-puna na sa napakaraming barilan sa kuwento, wala ni isang galos o tama ng bala ang mga bida!